Application for Divorce: म्हणून त्याने काही महिन्यांत कोर्टात केला घटस्फोटासाठी अर्ज…

Application for Divorce: म्हणून त्याने काही महिन्यांत कोर्टात केला घटस्फोटासाठी अर्ज.

Ghaziabad News : Sabla Utkarsh News :- मुलीची उंची छोटी आहे आमि तिचा वर्ण सावळा आहे या कारणामुळे एका इंजीनियर तरुणाने घटस्फोटासाठी कोर्टात अर्ज केला आहे. मुलीच्या कुटुंबीयांनी दबाव टाकून या मुलीशी आपला विवाह करायला लावले, असा आरोपही या तरुणाने केला आहे.
गाझियाबाद: उत्तर प्रदेशातील (Uttar Pradesh) गाझियाबाद येथे एक घटस्फोटाचे (Divorce) विचित्र प्रकरण समोर आले आहे. एका इंजिनीयरने कोर्टात अर्ज दाखल करत घटस्फोट मिळण्याची मागणी केली. मुलीच्या कुटुंबीयांनी दबाव टाकून आपल्याला त्या मुलीशी लग्न करायला लावले, असा मुलाचा आरोप आहे. या मुलीची उंची कमी (Low Hight) असून ती सावळी (Dark Skin Colour) आहे. यामुळे आपला जोडा ठीक जमलेला नसल्याचे मुलाचे म्हणणे आहे. या मुलीने पीएडीची पदवी प्राप्त केलेली आहे. (a man filed an application for divorce in court)
गाझियाबादमधील शास्त्री नगरमध्ये हा तरुण राहतो. या तरुणाकडे बीटेकची पदवी आहे. तो गुरुग्राम येथील एका बहुराष्ट्रीय कंपनीत (Multinational Company) काम करतो. या इंजिनीयर मुलाच्या वतीने त्याचे वकील मनोज कुमार यांनी कोर्टात अर्ज दाखल केला आहे. या इंजिनीयर तरुणाचे मामा मेरठ येथे राहतात. या मामाने आपल्या भाच्याच्या आई आणि वडिलांवर दबाव टाकून जून २०१९ मध्ये आपल्या मेव्हण्याच्या मुलीचे त्याच्याशी लग्न लावून दिले होते.

मुली पाहिल्याबरोबर या तरुणाने तिच्याशी लग्न करण्यास नकार दिला होता. त्यानंतर कुटुंबातील लोकांनी त्याच्यावर दबाव टाकायला सुरुवात केली. या दबावापुढे झुकत त्या तरुणाने शेवटी त्या मुलीसोबत लग्न केले. माझ्या व्यक्तीमत्वाशी ही मुलगी जराही जुळत नसल्याचे या तरुणाचे म्हणणे आहे. याचे कारण म्हणजे ही मुलगी खूपच ठेंगणी आहे. तसेच ती रंगाने सावळी आहे. तिला आपल्या मित्रांकडे घेऊन गेल्यांतर माझे मित्र चेष्टा मस्करी करतात, असे या तरुणाचे म्हणणे आहे.